Likhe Ga Manqabat Ab Koi Kya Masooma E Qum Ki
Ke Jab Allah Karta Hai Sana Masooma E Qum Ki

Hai Sikka Mere Bazu Par Bandha Sultan E Mashad Ka
Yun Mere Sath Rehti Hai Dua Masooma E Qum Ki

Agar Puchein Raza Teri Riza Kya Hai Tou Keh Doon Ga
Mujhe Khuddami Kar Dijay Atta Masooma E Qum Ki

Teri Taweez E Turbat Par Rakha Quran Kehta Hai
Tilawat Kar Rahi Hai Innama Masooma E Qum Ki

Kareemo Mein Kareema Aur Masoomo Mein Masooma
Khusosiyat Hai Ye Zainab Ki Ya Masooma E Qum Ki

Nazool E Aaya E Tatheer E Sani Ho Gaya Hota
Rida Jo Orrhte Maula Raza Masooma E Qum Ki

Sar E Zahra Se Aayi Thi Rida E Sani E Zahra
Sar E Zainab Se Aayi Hai Rida Masooma E Qum Ki

Ujalay Mere Peeche Peeche Khud Chalte Chale Aaye
Jala Aaya Tha Chokhat Par Diya Masooma Qum Ki

Dar E Zahra Pe Hain Matam Ki Ye Pabandiyaan Jab Tak
Azza Zahra Ki Hai Tab Tak Azza Masooma E Qum Ki

Farishte Meri Janib Se Adda Karte Rahe Sajday
Sana Jab Tak Hasan Karta Raha Masooma E Qum Ki