Khush Hai Zameen Khush Aasmaan Khush Hai Ye Dono Jahan
Aangan Main Mola Hussain Ke Aaye Hain Aaj Ali Akbar
Sajdon Ki Chand Raat Azanon Ki Eid Hai
Duniya Ke Aaj Sare Jawanon Ki Eid Hai
Humshakal E Nabi Hum Naam E Ali Shabbir Ki Jaan Ali Akbar
Hathon Pe Utha Ke Bolain Phuphi Zainab Qurban Ali Akbar
Raftaar Haseen Guftaar Haseen Soorat Bhi Haseen Seerat Bhi Haseen
Sar Ta Be Shabih E Ahmad Hai Akbar Sa Haseen Koi Bhi Nahi
Hai Hasan Ki Saari Duniya Ka Tanha Sultan Ali Akbar
Wa Shams Ke Jaisi Zulfain Hain Walnoor Tumhara Chehra Hai
Baba Ke Liye Yaseen Ho Tum Kausar He Tumhara Shajra Hai
Waleel Ke Jaisi Aankhein Hain Tum Ho Quran Ali Akbar
Aflak Se Kam Har Guz Ye Nahi Jis Ghar Mein Tumhara Noor Hai Ye
Musa Ke Liye Tha Toor Wohi Yusuf Ke Liye Tu Toor Hai Ye
Jalwe Se Tumhare Hote Hai Yusuf Hairaan Ali Akbar
Jo Allah ho Akbar Ki Hai Sada Ye Bhi Tu Tumhara Sadqa Hai
Tum Se He Azanein Zinda Hain Tum Se He Masjid Zinda Hai
Hota Hai Din Mein Paanch Dafa Ye Hi Elan Ali Akbar
Kuch Bhool Bhi Jate Hain Lekin Ye Rasm Ada Hum Karte Hain
Bete Ko Bana Kar Hum Dulha Tera He Sehra Parhte Hain
Deti Hain Dua Zainab Humko Hai Ye Iman Ali Akbar
Azlaan Muazzam Aur Aman Karte Hain Dua Aabaad Rahe
Deta Hai Ali Bhi Ye He Sada Hum Sab Ki Jawani Shaad Rahe
Ye Zikr Tumhara Ban Jaye Apni Pehchaan Ali Akbar
