Jal Gaye Khaime Chin Gayi Chadar
Mare Gaye Sab Bhai
Khaimo Ka Pehra Deti Hai Zainab Aur Tanhai
Sham e Ghareeba Ayi
Aag Liye Jab Agaya Lashkar
Cheen Li Chadar Phoonk Diya Ghar
Jalne Laga Beemar Ka Bistar
Uspe Ghashi Hai Chaaye
Abid Ko Shoolo Se Utha Kar
Pusht Pe Zainab Laaye
Bacho Ko Zainab Ne Jo Dekha
Un Mein Nahi Thi Baali Sakina
Ghabra Kar Ghazi Ko Sada Di
Roo Ke Behan Chillai
Paas Tumhare Baali Sakina
Aayi Hai Kya Bhai
Ujra Ghar Hai Is Ke Hawale
Ek Zainab Kis Kis Ko Sambhale
Sahma Bacha Ujri Maaen
Har Bibi Ghabrayi
Zainab Ne Sadaat Ko Dekha
Naad e Ali Duhrayi
Kon Barha Ye Janib e Khaima
Ghaiz Mein Zainab Ne Lalkara
Aana Wale Laut Ja Wapas
Deti Hon Main Duhai
Ab Kya Lootnay Aaya Hai Tu
Lut Gayi Sari Kamai
Ulti Naqab Aur Bole Haider
Baba Ali Hon Ayy Meri Dukhtar
Lag Ja Gale Jee Khool Ke Roo Le
Tu Hai Ghamo Ki Satai
Phir Tu Itna Royi Zainab
Khud Ko Rok Na Payi
Aisa Tha Pur Dard Woh Manzar
Kaise Kahain Farhan Aur Mazhar
Boli Zainab Baap Se Roo Kar
Dekho Zara Tanhai
Main Aik Zinda Laash Hon Baba
Mujh Ko Maut Na Aayi
