So Gayi Bali Sakina Shaam Ke Zindaan Main
Ho Gaya Tabdeel Zinda Aaj Qabristan Main
Har Tamanche Par Sakina Poochti Thi Shimr Se
Kya Yatimon Ke Liye Likha Hai Yeh Quran Main
Le Gayi Ajar e Risalat Main Sakina Itny Zakham
Ayatain Utri Thi Jitni Mustafa Ki Shaan Main
Juhriyaan Chehray Pay Le Kar Jarahi Hai Qabar Main
Kash Aajaye Sakina Baap Ki Pehchan Main
Qaid Sy Jatay Huwe Maa Bus Tarap Kar Reh Gayi
Jab Dekhi Thi Baliyan Lautay Hue Samaan Main
Chaar Barson Ki Zaeefa Baal Hain Sar Kay Safaid
Neel Rukhsaaro Pay Gohar Khoon Ke Hain Kaan Main
Chean Li Ummat Ne Akbar Bibi Ki Woh Naematain
Tazkarah Jin Ka Howa Tha Suraye Rehman Main
