Aa Raha Hai Taboot e Hussain e Ghareeb
Wawaila Wawaila Wawaila Wawaila
Momino Uthta Hai Taboot e Ghareeb e Zahra
Jis Ko No Lakh Laeenon Ne Dagha Sa Maara
Pusht E Gardan Sa Jisa Haye Ghazab Qatl Kiya
Darmian Zeen O Zameen Ke Raha Jis Ka Lasha
Choda Sadion Sa Jisa Ahl E Aza Rote Hain
Aise Be Kas Ko Hussain Ibne Ali Kehte Hain
Us Ka Taboot Hai Jis Ne Hai Barha Gham Dekha
Apna Ghar Lutte Huye Dasweei Muharram Dekha
Apna Ansaar Rafeeqon Ko Lab E Dam Dekha
Akbar O Qasim O Abbas Ka Matam Dekha
Subhu Sa Sham Talak Lashon Pe Lashen Aaya
Us Ki Ik Laash Koi Bhi Na Uthane Aaya
Jab Bhi Taboot Ye Uthta Hai Kahin Wawaila
Sham Sa Is Ki Behan Aati Hai Karne Giriya
Sath Ik Bachi Bhi Ati Hai Sunaane Noha
Apny Baba Ke Azadaron Ko Deti Hai Dua
Dorh Ke Baba Ke Taboot Pe Gir Jati Hai
Haye Taboot Se Rone Ki Sada Aati Hai
Is Ka Ek Beta Tha Athara Baras Ka Akbar
Aaiyu Hal Badre Tamami Tha Yehi Noor E Nazar
Biah Ke Din Thy Bahut Khush Thiib Behan Aur Maadar
Haye Afsos Sinaan Kaat Gai Us Ka Jigar
Is Ki Majboor Zaeefi Ko Sahara Dene
Aaj Aaya Hai Ye Taboot Ko Kaandha Dene
Jis Ka Taboot Hai Ik Bhai Tha Is Ka Safdar
Log Kehte Thy Usa Karbobala Ka Haider
Ho Ke Be Dast Gira Jab Wo Zameen Ke Ooper
Bas Usi Din Sa Na Seedhi Hui Be Kas Ki Kamar
Jab Jahan Bhi Kahin Taboot Baramad Yeh Hua
Ary Barh Ke Karta Hai Alamdar Ka Parcham Saya
Zair E Taboot Jo Nanha Sa Yeh Gehwara Hai
Is Sa Zahir Hai Ke Baba Ko Bahut Pyara Hai
Kurta Is Bachi Ka Bhi Khoon Mein Tar Saara Hai
Is Ke Hathon Pe Laeenon Ne Isy Maara Hai
Sath Taboot Ke Shamil Hain Azadaron Mein
Sab Sa Kam Sin Ye Azadar Hai Gham Khuwaron Mein
Asr Ka Waqt Tha Ghash Kha Ke Jo Ghorha Sa Gira
Is Nehate Pe Hazaron Ka Jo Lashkar Toota
Ho Ke Be Hosh Yeh Phir Zeen Sa Ghorha Ki Gira
Darmian Zeen O Zameen Haye Badan Tha Is Ka
Thi Behan Samne Jab Seeny Pe Jallad Charha
Ary Maan Ke Zanoo Pe Tha Jab Haye Gala Is Ka Kata
Shor e Matam Mein Yeh Kon Aya Basad Aah O Buka
Ke Log Chilanay Lage Ya Ali Haider Mola
Sath Ek Bibi Hai Orha Huye Kala Burka
Kehti Hai Maan Hun Teri Pehlu Shakista Zehra
Kya Adab Sarwar O Rehan Nazar Ata Hai
Maan Padar Ke Liye Taboot Jhuka Jata Hai
