Tumhare Bad Ayy Baba Jeyengi Betiyan Kaise
Kafan Main Dekh Kar Chehra Jeeyengi Betiyan Kaise
Khuda Rakhe Salamat Betiyon Par Baap Ka Saya
Lipat Kar Baap Se Zainab Ne Ye Ro Ro Ke Farmaya
Rahe Ga Jab Na Ye Saya Jiyengi Betiyan Kaise
Hamein Tum Apni Mayat Ke Liye Rona Nahin Bolo
Hamare Ghar Ki Ronaq Tum Ho Ye Maloom Hai Sab Ko
Ye Ghar Ho Jayega Suna Jiyengi Betiyan Kaise
Abhi Amman Ka Gham Bhoolain Nahin Kulsoom Aur Zainab
Chale Jaoge Tum Bhi Ghar Se Ayy Baba Kafan Mein Jab
Na Tum Hoge Na Maa Zahra Jiyengi Betiyan Kaise
Khula Hai Zakhm Khoon Jaari Hai Ab Tak Aap Ke Sar Se
Ijazat Do Tu Zainab Baandh De Sar Apni Chaadar Se
Agar Khoon Beh Gaya Saara Jiyengi Betiyan Kaise
Hua Hai Zarb Ki Shiddat Se Sar Baba Ka Do Paara
Namazi Ko Musalle Par Laeen Ne Is Tarah Mara
Kyun Zalim Ne Nahin Socha Jiyengi Betiyan Kaise
Akeela Chor Kar Jaane Ki Tum Batein Nahin Karna
Hamain Bhi Maar De Ga Jeete Ji Haaye Baap Ka Marna
Utha Kar Gham Yateemi Ka Jiyengi Betiyan Kaise
Ali Ka Aakhri Saanson Mein Woh Abbas Se Kehna
Mera Chehra Ho Meri Betiyon Ke Saamne Rehna
Mujhe Ye Fikr Hai Beta Jiyengi Betiyan Kaise
Ali Rukhsat Hue Zeeshan Aur Farhan Roye Sab
Janaza Uth Gaya Lekin Wahin Baithi Rahi Zainab
Sada Deti Rahi Fizza Jiyengi Betiyan Kaise
