Ujra Hua Gharon Se Awaaz Aa Rahi Hai
Ab Laut Aa Musafir Zehra Bula Rahi Hai
Ek Saal Yun Guzara Takti Rahi Main Rahain
Bas Dhondhti Hain Bhaiya Tumko Meri Nigahen
Ab Laut Aao Akbar Sughra Bula Rahi Hai
Mehndi Lagaongi Main Sehra Sajaongi Main
Armaan Hai Yeh Maan Ka Dulhan Bhi Laaongi Main
Ab Laut Aao Qasim Farwa Bula Rahi Hai
Ayy Aun Aur Mohammad Tum Jin Mein Khelta Thay
Suni Hai Ab Woh Galiyan Weraan Hain Wo Hujra
Ab Laut Aao Piyaron Dukhiya Bula Rahi Hai
Maa Dhoop Mein Rahegi Faryad Bhi Karegi
Jab Tak Na Aogay Tum Pani Nahi Piye Gi
Ab Laut Aao Asghar Mamta Bula Rahi Hai
Ummul Baneen Ro Kar Ye Kar Rahi Hain Noha
Tum Dasht e Karbala Mein Kulsoom Par Thay Fidya
Ab Laut Aao Ghazi Behna Bula Rahi Hai
Bas Waris e Ali Se Farhan Aur Mazhar
Karte Hain Dil Ki Baatein Farsh e Aza Bicha Kar
Ab Laut Aao Maula Duniya Bula Rahi Hai
