Ya Ali Ye Kya Gazab Hua Haye Hum Yateem Hogaye
Saya Sar Se Apka Utha Haye Hum Yateem Hogaye
Hai Siyah Posh Sogwar Inke Dil Main Hai Ali Ka Pyar
Momino Ki Hai Yehi Sada Alwida Shah E Zulfiqar
Kis Ne Qatal Apko Kiya Haye Hum Yateem Hogaye
Hai Imama Surkh Aye Imam Ho Qubool Akhri Salam
Ansoo Ankh Main Liye Hue Pursa De Rahe Hain Sab Ghulam
Ghar Main Bich Gayi Saf E Aza Haye Hum Yateem Hogaye
Dekha Jab Hasan Ne Zakhmi Sar Roye Baba Baba Bol Kar
Ibne Muljim E Laeen Ne Ek Namazi Rozadar Par
War Itni Zor Se Kiya Haye Hum Yateem Hogaye
Kehti Hain Ali Ki Betiyan Ankhein Kholiye Baba Jaan
Dekhe Ge Kafan Main Apko Hum Ne Aisa Socha Tha Kahan
Dil Ko Kaise Chain Ayega Haye Hum Yateem Hogaye
Kon Pyar Se Bulaye Ga Kon Ab Galay Lagaye Ga
Sar Pe Hath Rakh Ke Baba Jaan Kon Hum Ko Dega Ab Dua
Kaise Guzre Ga Eid Din Ka Haye Hum Yateem Hogaye
Maa Ke Baad Baap He Tou Tha Jis Ne Hum Ko Rone Na Diya
Jab Bhi Maa Ki Yaad Ayi Tou Baba Ne Galay Laga Liya
Kon Dega Hum Ko Honsla Haye Hum Yateem Hogaye
Lipti Jab Janaze Se Bhen Bole Ye Hussain Se Hasan
Tehr Jao Thori Aur Der Bandhna Nhi Abhi Kafan
Dekhne Do Chehra Baap Ka Haye Hum Yateem Hogaye
Jab Se Ye Tabeeb Ne Kaha Dhoodh Hai Ilaj Marz Ka
Aye Thy Jo Pyaale Thaam Kar Kon Un Yateemo Ko Bhala
Jaake Ye Khabar Sunaye Ga Haye Hum Yateem Hogaye
Zakhmi Sar Wo Khoon Ya Ali Bhool Na Sake Ge Hum Kabhi
Han Shahdat E Ali Ke Din Mesum Aur Zeeshan Abidi
De Rahe Hain Ro Ke Sada Haye Hum Yateem Hogaye
