Ya Ali Ya Aliya Ya BulHasani Ya Bu Turab
Bhai Mera Qatl Hua Aaiye Baba Shitaab
Lo Phel Gaya Shaam e Ghareeban Ka Andhera
Asbaab Luta Jal Gaya Sadat Ka Khaima
Be Goor O Kafan Ran Mein Shabbir Ka Laasha
Sab Maare Gaye Dasht Mein Zainab Hui Tanha
Asghar BeSheer Ko Rone Lagi Umm e Rabab
Haye Woh Behn Jiske Hon Athara Baradar
Aur Baap Bhi Jis Beti Ka Ho Fateh e Khaibar
Narghe Mein Laeeno Ke Woh Mazloom Khule Sar
Kaise Na Kare Nauha Wo Phir Khaak Ura Kar
NauhaKunaa Khuld Mein Hai Rooh e Risalat Maab
Akbar Ka Jigar Ho Gaya Barchhi Se Do Paarah
Aur Asghar Masoom Bhi Maara Gaya Pyaasa
Tukre Hua Maidan Mein Nau Shaah Ka Laasha
Maara Gaya Wo Sheer Jo Tha Sab Ka Sahaara
Aun O Muhammad Ka Mila Khaak Mein Kaisa Shabaab
Kat Ke Jo Gire Khaak Pe Abbas Ke Baazu
Rukte He Na The Aankh Mein Shabbir Ke Aansoo
Main Khaime Mein Roti Thi, Woh Rote The Lab Jo
Matam Hi Tha Har Simt Tha Har Dil Mein Tha Har Soo
Kehte The Shabbir Ke Ya Laitani Kuntu Turab
Rehan Bahut Ho Chuki Ab Ashk Fishani
Zainab Pe Museebat Ki Yeh Pur Dard Kahani
Sab Ahl e Aza Sun Chuke Sarwar Ki Zubani
Thamti He Nahin Aankhon Se Ashkon Ki Rawani
Kaun Sune Qissa e Gham Kis Mein Rahi Itni Taab
