Mangton Ki Sun Le Mola
Ham Dar Pe Tere Dete Hain Sada
Ya Imam E Raza Ya Ghareeb Al Ghurba
Har Matmi Ki Sun Lo Karte Hain Sab Dua
Tere Dar Pe Aaye Mola Sab Aas Ye Laga Ke
Jo Mareez La Dawa Hai Use Dard Se Shifa De
Tere Sehan Main Shifa Hai Hai Yehi Kahin Khuda
Wo Jo Godiyan Hain Khali Tere Dar Pe Hain Sawali
Sabhi Aa Ke Chumtin Hain Teri Shehnashi Ki Jali
Asghar Ke Sadke Un Ko Aulaad Ho Ata
To He Janta Hai Mola Bichhde Huwon Ka Sadma
Teri Behan Fatima Ho Akbar Ho Ya Ke Sughra
Bhai Behan Jo Bichre Mola Unhe Mila
Nazar E Karam Ho Teri Rahe Door Tang Dasti
Tere Matmi Ko Mola Na Rizq Ki Ho Tangi
Ho Qarz Momino Ka Ab Ghab Se Ada
Angoor Main Zehar Tha Mamon Ne Jo Bheja
Us Zehar Ne Kiya Tha Tukde Tera Kaleja
Ro Kar Utha Rahe Hain Taboot Ham Tera
Qum Ki Wo Shahazadi Masooma Behan Teri
Tujh Se Bichar Ke Mola Zainab Ki Tarhan Royi
Tujh Ko Hai Us Ka Pursa Pursa Usse Tera
Farhan Ki Duain Mola Unhain Bolain
Mehroom Hain Jo Ab Tak Iran Wo Bhi Jain
Hamrah Kafile Ke Mazhar Ko Bhi Bula
