Ya Rab gareeb Maa pe sitam is qadar na ho
Zahra ke neelay rukh pe Hassan ki nazar na ho

Darwazay par se log guzarte hain baar baar
Dekhay koi ke Zahra kahin zair-e-dar na ho 

Darbar kis ko kehte hain, peshi hai kis ka naam
Maa chahti hai beti ko is ki khabar na ho

Pathar rakhe gaye sar-e-taboot is liye 
Mayyat ka wazan kya hai kisi ko khabar na ho 

Chalees qabrein khodi gayi thi Batool ki 
Haider yeh chahte the sitam qabar par na ho 

Akbar thi Syedon pe yateemi ki aisi raat
Aisi taweel raat ke jis ki sehar na ho

Shaair: Hasnain Akbar 

Soz: Waheed-ul-Hasan Kamalvi 

Matami Sangat: Anjuman Gul Dasta Jafriya Lahore