Haye Ali Maula Haye Ali Maula
Ye Janaza Hai Ali Ka
Yeh Janaza Hai Ali Ka Shah E Khyber Geer Ka
Aj Baba Mar Gaya Hai Shabbar O Shabbir Ka
Yeh Janaza Hai Ali Ka

Fatima Zehra Ke Marqad Se Sada Ane Lagi
Yeh Masaib Reh Gaya Tha Kya Meri Taqdeer Ka

Ya Rasoolallah Ye Jibreel Ne Ro Kar Kaha
Aik Halqa Aur Toota Noor Ki Zanjeer Ka

Kyun Chalayi Tegh Haidar Par Bine Muljim Bata
Qatl Quran Kar Diya Kata Gala Tafseer Ka

Gham Ali Ki Betiyon Ke Phir Se Taaza Ho Gaye
Gham Abhi Bhooli Kahan Thi Maadar E Dilgeer Ka

Naza Main Jaane Ali Ko Kya Khayal Aata Raha
Mun Kabhi Zainab Ka Dekha Aur Kabhi Shabbir Ka

Betiyon Ko Dekhte Hain Aur Rote Hain Ali
Haye Wo Zaalim Tasawur Shaam Ki Tashheer Ka

Chote Se Abbas Bhi Rote Hain Sar Ko Peet Kar
Bachpana Abbas Ka Aur Zakhm Dil Par Teer Ka

Baap Ki Mayyat Se Zainab Ka Lipatna Baar Baar
Dil Hila Deta Tha Rona Shah Ki Hamsheer Ka