Ya Fatima Ya Tahira
Ya Khwahar-e-Maula Raza
Ya Syeda Ya Shafea
Ya Bint-e-Rasool-e-Khuda
Ya Alima Ya Zahida
Ya Saleha Ukht Ur Raza
Tasveer-e-Rukh-e-Fatima

Masooma Masooma.Dukhtar-e-Shair-e-Khuda Masooma
Zainab-e-Maula Raza Masooma

Tere Khudaam Mujhe Jantay Hain
Hai Yeh Aizaz Mera Masooma

Jis Ko Kehta Hai Khuda Baab-e-Murad
Aap Hain Oss Ki Dua Masooma

Aaj Bhi Bantta Hai Bait-e-Noor
Chand Soraj Ko Zia Masooma

Mukhtasir Nad-e-Ali Hai Yeh Bhi
Dekh Keh Kar Zara Ya Masooma

Chomney Aati Hain Bibi Mariyam
Aap Ke Sar Ki Rida Masooma

Oss Ne Mashhad Se Dua Li Jis Ne
Naam Beti Ka Rakha Masooma

Baad Mein Zahra Likha Hai Main Ne
Pehle Kagaz Pe Likha Masooma

Sare Masoomo Ne Aye Shehzadi
Tum Ko Masooma Kaha Masooma

Pas Parday Ka Hai Jin Behno Ko
Unn Ko Deti Hain Dua Masooma

Baap Bhi Bhai Bhatija Bhi Wali
Hain Wilayat Ka Pata Masooma

Kuch Nahi Kuch Bhi Nahi Mir Hassan
Tere Khadim Ke Siwa Masooma