Ro Ro Ke Ali Kyun Lete Hain
Zainab Ka Naam Musallay Par
Kya Yaad Ali Ko Aaya Hai
Bazaar E Shaam Musallay Par

Khoon Jaari Tha Zakhmi Sar Se
Rote Thy Namazi Saf Mein Khare
Kis Tarhan Hasan Ne Ro Ro Kar
Ki Fajr Tamaam Musallay Par

Kya Maa Ki Tarhan Lene Tum Ko
Masjid Mein Chali Aaye Zainab
Baba Ko Jaa Kar Do Fizza
Mera Paigham Musallay Par

Zakhmi Pehlu Jab Yaad Aaya
Zakhmi Peshani Bhool Gaya
Zahra Ki Musibat Par Roya
Mazloom Imam Musallay Par

Ye Pehli Fajr Hai Zainab Ki
Sajde Mein Sukoon Milta He Nahi
Dil Doobta Hai Aata He Nahi
Ek Pal Aram Musallay Par

Deewar E Kaaba Beth Gayi
Al Hamd Lahu Mein Doob Gayi
Ummat Se Mila Hai Maula Ko
Kaisa Inaam Musallay Par

Us Ghairat Daar Ki Ghurbat Par
Roti Hai Ali Ki Ghurbat Bhi
Chalees Baras Jo Kehta Raha
Asham Asham Musallay Par

Shabbir Ki Janib Se Akbar
Qatil Ko Pilaya Tha Sharbat
Jab Yaad Ali Ko Aaya Tha
Ek Tashna Kaam Musalle Par