Darya Pe Mara Gaya Tera Alamdar Zainab
Zainab Zainab Zainab
Tooti Hai Meri Kamar Lut Gayi Sarkar Zainab
Hathon Main Koza Liye Baithe Hain Pyase
Hai Sab Ko Aas Zainab Us Bawafa Se
Mun Hum Se Moor Gaya Ghurbat Main Chor Gaya
Dil Mera Kehta Hai Ab Jeena Hai Bekar Zainab
Kehti Thi Meri Bachi Aayega Paani
Usko Suna Do Zainab Gham Ki Kahani
Mara Gaya Sakka Kunba Raha Pyasa
Pyaso Pe Ho Gaya Qurban Wo Salaar Zainab
Mashk E Sakina Cheedi Kat Gaye Shane
Kaise Zameen Par Aaya Allah He Jane
Gurz Tha Sar Pe Laga Aankh Main Teer Bhi
Uthna Chaha Tu Na Uth Paya Wo Jarrar Zainab
Darya Pe Jab Main Pohcha Laasha Uthane
Ki Thi Mujh Se Wasiyat Us Bawafa Ne
Lasha Khaimo Main Mera Aaqa Le Kar Na Jana
Ye Keh Ke Chor Gaya Mujh Ko Wafadar Zainab
Mujh Pe Chale Ga Khanjar Khaima Jalengaye
Chadar Cheene Gi Teri Baazo Bandhengaye
Sab Ka Ghamkwar Hoga Mera Beemar Hoga
Ab Tak Abbas Tha Ab Tu He Hai Salaar Zainab
Mola Ka Noha Tha Ye Farhan O Mazhar
Farsh E Aza Bichao Ayy Meri Khuwahar
Aao Ab Zair E Alam Barpa Karain Matam
Hum Hain Us Bawafa Ke Pehle Azadar Zainab
