Hussain Jab Ke Chale Ay Baad e Dopahar Ran Ko
Na Tha Koi Ke Jo Thame Rakab e Tousan Ko
Sakina Thaam Rahi Thi Abaa Ke Daman Ko
Hussain Chup Ke Khare Hain
Wa Ghurbata Wa Museebata
Hussain Chup Ke Khare Hue Hain
Nazar Alam Par Gari Hui Hai
Sakina Thama Abaa Ka Daman
Ye Apne Baba Se Keh Rahi Hai
Ay Pyare Baba Qasam Tumhari
Main Tishna Lab Hoon Zara Sa Pani
Chacha Se Aye Baba Jaan Keh Dein
Sakina Pyasi Hai Teen Din Se
Zabaan Pe Kaante Pare Hue Hain
Ke Mashk Khaali Hai Teen Din Se
Lo Baba Dekho Ye Mashk Khaali
Main Tishna Lab Hoon
Mujhe Hai Ehsaas Mere Baba
Ke Hum Se Pyase Ho Tum Zyada
Karungi Tum Se Na Phir Taqaza
Hai Baba Beti Ka Tum Se Wada
Main Tum Pe Sadqe Main Tum Pe Waari
Main Tishna Lab Hoon
