Hasan Ke Zikr Main Jab Zikr E Kirdigar Kiya
Mere Khuda Ne Usay Hamd Main Shumar Kiya

Khata Main Is Ko Nakireen Ne Shumar Kiya
Hasan Ke Zikr Main Jis Ne Bhi Ikhtisar Kiya

Khuda Ka Sher Hua Apne Sher Per Naza
Qalam Ki Nok Se Shabbar Ne Jab Shikar Kiya

Palak Jhapakte He Bad Bakht Ban Gaya Aurat
Hasan Ne Lehja E Kun Aisa Ikhtiyar Kiya

Sakhi Hasan Ne Bulaya Jo Apne Pas Mujhe
Mujhe Khud Apni Khataon Ne Sharamsaar Kiya

Hasan Ka Jhoola He De Deta Us Ko Par Lekin
Hussain Ke Liye Fitrus Ne Intezar Kiya

Ye Lashe Marhab O Antar Bataein Ge Ke Unhein
Hasan Ke Baba Ne Kis Tarhan Do Se Char Kiya

Nabi Ke Deen E Ali Se Hussain Tak Ka Safar
Hasan Ke Naam Ki Tasbeeh Parh Ke Paar Kiya

Hasan Hussain Alag Se Teri Khabar Lenge
Agar Ali Ke Fazail Pe Shak Ka Waar Kiya

Ye Zulfiqar Se Itra Ke Keh Raha Tha Qalam
Hasan Ne Mujh Pe Tere Hote Aitbaar Kiya

Tabara Karte Hain Khul Kar Hasan Ke Dushman Per
Ye Kaam Naqd Ka Hai Hum Ne Kab Udhar Kiya

Bicha Ke Farsh E Wila Hum Ne Aj Mir Hasan
Hasan Ke Jashan Main Qayam Ka Intezar Kiya