Nazara Dekh Ke Fiza Bhi Muskurati Hain
Batool Bete Pe Yun Sadqe Waari Jati Hain
Zahra Ne Khud Utare Hain Sadqe Hussain Ke
Bachpan Main Mojzaat Jo Dekhe Hussain Ke
Mitti Farishto Karb O Bala Se Utha Ke Laao
Allah Ko Banane Hain Bande Hussain Ke
Kare Jo Koi Humsari Kisi Ki Kya Majaal Hai
Jahan Main Har Lihaaz Se Hussain Be Misaal Hai
Ye Ho Chuka Hai Faisla Na Koi Dusra Khuda
Na Koi Dusra Hussain Hai
Allah Aik Baar He Aaya Zameen Par
Aaya Bhi Sirf Dekhne Sajde Hussain Ke
Mera Jahan Mera Sukoon Meri Zindagi
Ye Naam Hain Sakina Ne Rakhe Hussain Ke
Mehfil Main Hum Ko Bheja Hai Pehna Ke Khud Kafan
Maa Kar Chuki Hai Hum Ko Hawale Hussain Ke
Jitna Bhi Zakhm Gehra Ho Lagta Hai Un Ko Kam
Ye Maatami Hain Saare Deewane Hussain Ke
Jo Ho Gaye Hain Matam E Zanjeer Ke Khilaaf
Ye Log Tu Kabhi Bhi Nahi Thay Hussain Ke
Hai Eid Intezar Main Bethi Hain Fatima
Jannat Se Aane Wale Hain Karte Hussain Ke
Ghabra Rahe Hain Khauf Se Nau Laakh Ahl E Shaam
Maidan Main Aane Wale Hain Bete Hussain Ke
Hai Kaun Kainat Main Abbas Ke Siwa
Wo Shakhs Jo Ishare Bhi Samjhe Hussain Ke
Mehshar Main Arsalan Muazzam Aman Ali
Hum Sath He Parhenge Qaseede Hussain ke
