Awaz Tou De Akbar
Kariyal Jawan Ki Lash Par Kehta Raha Ro Kar Padar
Awaz Tou De Akbar
Girta Hua Uthta Hua Aa Tou Gaya Hoon Main Magar
Ghom Hogaya Noor E Nazar Awaz Tou De Akbar
Tu Nojawan Hai Akbar Aur Hai Zaeef Baba
Kaise Uthaon Mayyat Mujhko Tou Bata De Itna
Jana Hai Ab Khayam Tak Kaise Karu Main Ye Safar
Kham Hogayi Meri Kamar Awaz Tou De Akbar
Ayi Sada Jidhar Se Main Us Taraf Barho Ga
Awaz Sunte Sunte Tujhe Ran Main Dhoodh He Loon Ga
Tu Hai Jidhar Pyare Mere Dheere Se Ye Kehte Hue
Baba Idhar Baba Idhar Awaz Tou De Akbar
Sughra Ke Namwar Ko Khat Ka Jawab Kya Doon
Wo Muntazir Hai Usko Barchi Ka Haal Suna Doon
Raste Se Ab Naazrein Hata Mara Gaya Bhai Tera
Kya Bhej Doon Usko Khabar Awaz Tou De Akbar
Mushkil Kusha Ka Beta Mushkil Main Ghir Gaya Hai
Ankhon Main Hai Andhera Chehra Bhi Nhi Dikhta Hai
Sun Ke Mujhe Teri Sada Kuch Hosla Mil Jaye Ga
Ahsan Kar Shabir Par Awaz Tou De Akbar
Dohra Raha Hoon Main Bhi Baba Ka Naam Beta
Mushkil Ki Is Ghari Main Tu Bhi Le Naam Ali Ka
Lene Ko Khud Aulad Ko Akbar Teri Imdad Ko
Ajayenge Mere Padar Awaz Tou De Akbar
Teri Sada Ko Sun Kar Wo Phir Se Jee Uthe Gi
Hamsheer Teri Warna Shayad Nhi Jee Paye Gi
Seene Ki Barchi Tham Ke Sughra Ko Uske Naam Se
Ek Baar Himmat Jor Kar Awaz Tou De Akbar
Barchi Se Bas Kaleja Tera Nhi Cheeda Hai
Maqtal Main Fatima Ne Dil Apna Tham Liya Hai
Bhai Hasan Nana Nabi Baba Ali Dadi Teri
Mojood Hain Sabhi Idhar Awaz Tou De Akbar
Akbar Janab E Akbar Khamosh Hogaye Thy
Shabir Sar Jhukaye Laashe Ke Pas Khare Thy
Zainab Kabhi Laila Kabhi Bhenein Kabhi Kabhi Naamdar
Kehta Raha Ye Sara Ghar Awaz Tou De Akbar
