Is Gham Ne Azadaro Bohat Mujh Ko Rulaya
Is Saal Bhi Zawaron Mein Jab Naam Na Aaya
Dil Toot Gaya Karbala Na Jane Ke Gham Se
Ro Ro Ke Kaha Main Ne Lipat Kar Is Alam Se
Ek Baar Mujhe Bhi Tu Sada Do
abbas mujha karbala dikha do
shabbir ka zawar bana do
Tum Jaante Ho Koi Nahi Mera Sahara
Abbas Kate Hathon Se Tum Kar Do Ishara
Jab Yaad Hussain Aate Hain Rota Hai Mera Dil
Mar Jaun Ga Mola Se Mila Do Na Khudara
Kitna Bechain Hai Dil Karbala Hai Manzil
Jald Aasan Karo Mola Meri Mushkil
Kab Aaun Ga Bas Itna Bata Do
Milta Hai Koi Jab Safar e Ishq Se Aa Kar
Rota Hoon Bohat Dair Gale Us Ko Laga Kar
Main Bhi Tu Azadar Hon Kya Dil Nahi Mera
Zawaron Ki Khidmat Main Karun Paaon Daba Kar
Wahan Paidal Main Chalun Saare Mokiab Dekhun
Wa Hussaina Keh Kar Khaak Chehre Pe Malun
Ek Baar Mashi Mujh Ko Kara Do
Paaon Tha Kahin Jism Kahin Haath Kahin Tha
Roza Hai Jahan Khoon Main Tar Aap Wahin Thay
Teer Aankh Main Tha Chehra Bhi Zakhmo Se Bhara Tha
Jab Zeen Se Gira Aap Ke Bazoo He Nahi Tha
Pursa Dena Hai Mujhe Aap Ko Ro Ro Ke
Jahan Dono Bazoo, Khaak Par Kat Ke Giray
Dono Kaf e Abbas Dikha Do
Seena Se Lipat Jata Hai Jaise Koi Bacha
Aise Hai Mujhe Shah Ke Roza Se Lipatna
Mass Kar Ke Sabhi Apna Kafan Laata Hain Lekin
Main Un Ke Liye Le Ke Kafan Jaun Ga Mola
Dil Tarapta Hai Mera Aaj Bhi Ayy Mola
Be Kafan Ghurbat Main Hai Ghareeb e Zahra
Mujh Ko Mere Mola Se Mila Do
Jab Pehli Nazar Aap Ke Gunbad Pe Paray Gi
Gir Jaun Ga Sajda Main Dua Mangun Ga Ghazi
Har Saal Yahan Aata Rahun Aap Se Milna
Sun Lena Alamdar Tum Aawaz Ye Dil Ki
Tum He Tu Sunta Ho Haan Karam Karta Ho
Hum Azadaron Ke Dil Main Tum Rehta Ho
Tum Mojza Ab Koi Dikha Do
Zawaron Se Aati Hai Mujhe Aap Ki Khushboo
Aankhon Se Nikal Aatay Hain Mola Mere Aansoo
Hasrat Se Unhain Dekhta Rehta Hon Main Ro Kar
Us Waqt Nahi Rehta Hai Dil Par Mere Qaboo
Dil Yeh Kehta Hai Mera Ayy Shahenshah e Wafa
Karbala Mein Mera Kab Bulawa Hoga
Ab Jald Koi Raah Bana Do
Abbas Jahan Par Hui Akbar Ki Shahadat
Kya Mere Muqaddar Main Nahi Hai Wo Ziyarat
Akbar Ke Kaleja Pe Jahan Tooti Thi Barchi
Tooti Thi Wahin Dil Bara e Zahra Pe Qayamat
Dekh Lun Main Ja Kar Wo Maqaam e Akbar
Shah Pohancha Thay Jahan Khaak Par Gir Gir Kar
Akbar Se Mohabbat Ka Sila Do
Dil Kitna Pareshan Hai Abbas Se Bolo
Wo Baab e Hawaiej Hain Tum Umeed Na Choro
Aate Hain Woh Khud Shah Ke Zawaron Ko Lena
Ek Baar Unhain Baali Sakina Ki Qasam Do
Jald Wo Aayenge Shah Bulwayenge
Aur Tumhain Karb o Bala Sath Le Jayenge
Ayy Meesam O Zeeshan Sada Do
