Kufa Main Phiraya Jata Hai Muslim Ka Lasha Eid Ke Din
Koi Bhi Uthane Aata Nahi Bekas Ka Janaza Eid Ke Din
Bhai Bhi Nahi Beta Bhi Nahi Koi Bhi Nahi Rone Wala
Muslim Ke Janaza Par Bethi Roti Rahi Zahra Eid Ke Din
Ik Aah Sunai Deti Hai Ik Lash Dikhai Deti Hai
Be Sakhta Aanso Aate Hain Yaad Aaye Jo Kufa Eid Ke Din Ni
Tooti Hai Qayamat Ye Kaisi Dono Pe Nazar Hai Maula Ki
Muslim Ki Hameeda Roti Hai Betab Hai Sughra Eid Ke Din
Zalim Se Bachane Ki Khatir Zindaan Se Churane Ki Khatir
Umeed Yehi Hai Bachon Ko Aaye Gain Baba Eid Ke Din
Muslim Ke Yateemo Ko Sheh Ne Seene Se Laga Kar Pyar Kiya
Ye Haal Yateemi Ka Logo Samjhi Thi Sakina Eid Ke Din
Ik Waar Ali Ke Sajda Se Muslim Ki Shahadat Tak Pohancha
Youn Aal e Nabi Ko Ummat Ne Har Bar Rulaya Eid Ke Din
Jis Ghar Main Koi Mar Jata Hai Sab Aa Kar Pursa Dete Hain
Hum Kis Ko Dein Maula Mehdi Muslim Ka Pursa Eid Ke Din
Dastoor Zamane Se Hai Yehi Hum Ahl e Aza Ka Bad e Namaz
Hum Sun Ke Musaib Dete Hain Zahra Ko Pursa Eid Ke Din
Dafnaya Nahi Kafnaya Nahi Kaisi Ye Takallum Ghurbat Hai
Kufa Main Musalmaan Sare The Muslim Tha Akela Eid Ke Din
