Kaha Shabbir Ne Ghazi Wo Dekho Janib E kufa
Mera Muslim Akela Hai
Na Koi Monis O Yawar Na Koi Paas Hai Beta
Mere Bhai Ko Charon Simt Se Fojon Ne Ghaira Hai
Hazaron Marne Wale Hain Aur Muslim Akela Hai
Hain Kufi Char Janib Nahi Hai Koi Bhi Apna
Bari Dushwar Manzil Hai Kabhi Aesa Na Waqt Aaye
Watan Se Door Gurbat Main Koi Aese Na Dukh Paye
Ruqiaya Hone Wali Hai Abhi Kuch Dair Main Bewa Mera
Jo Mere Dil Pe Guzri Hai Unhain Batla Nahi sakta
Tumhari Betiyon Ke Sath Kufa Ja Nahi Sakta
Bacha Lein Mere Bhai Ko Najaf Nazdeek Hai Baba
Kate Honton Ka Us Ke Khoon Jab Pani Main Girta Hai
Gira Kar Jaam Pani Ko Bari Hasrat Sa Takta Hai
Na Jane Kitna Zakhmi Hai Na Jane Kab Se Hai Piyasa
Nazar Aate Nahi Abbas Ko Muslim Ke Shehzade
Muhammad Aur Ibrahim Us Ke Sath Nikle The
Kahan Par Kho Gaye Dono Na Jane Kya Hua Aesa
Ye Kal Tak Sath The Us Ke Ab Sab Ho Gaye Baagi
Safeer E Ibn E Haider Ki Aiab Gurbat Hai Yeh ghazi
Koi Ghar Se Nahi Nikla Sada Deti Rahi Zehra
Siwaye Ibn E Urwa Ke Koi Aaya Nahi Aage
Bachane Ko Nahi Aaye Wo Lasha He Utha Lete
Kahan Khat Likhne Wale Hain Koi Ab Tak Nahi Aaya
Mere Abbas Ghazi Ki Behen Ka Hai Yahan Roza
Tere Purse Ko Mola Main Tu Kufa Aa Nahi sakta
Main Bibi Pak Daman Ko Tera Noha Sunao
Lipat Kar Sheh Ke Qadmon Se Kaha Ghazi Ne Ay Mola
Mujhe Pahuncha Dain Kufa Tu Badal Dun Shehar Ka Naqsha
Ghareebi Par Mere Bhai Ki Sara Shehar Hai hasta
Kaha Akbar Ye Ro Ro Kar Shah E Wala Ne Ghazi Se
Wo Dekho Bethi Hain Amma Wahan Daman Ko Phailaye
Sar E Muslim Ko Seene Se Lagaye Kehti Hain Zehra
