Bibi Zehra Ki Hai Rukhsati

Ho Mubarak Tumhe Ya Nabi
Bibi Zehra Ki Hai Rukhsati 
Dulha Haider Bana Zehra Dulhan Bani 

Is Ke Chehre Ka Ghaza Bani Hai Haya 
Is Ke Mathe Ka Jhumar Hai Alhamd Ka 
Innama Is Ke Haathon Ka Kangan Bana 
Dekhiye Tu Guloo Band Hai Kulkafa 
Khalq Mein Na Mili Aisi Dulhan Koi 

Ayaton Se Libas e Uroosi Bana 
Noor Chehre Pe Aaya Hai Wal Fajr Ka 
Aur Kalai Ka Zevar Bani Hai Hal Ata 
Goshware Muzzamil Ke Hain Ba Khuda 
Saj Gain Fatima Parh Ke Nad e Ali 

Aaj Dharti Falak Se Siwa Ho Gayi 
Ye Zameen Ka Muqaddar Bhi Dekhe Koi 
Sab Yahan Aa Gaye Khuld Khaali Hui 
Aaj Khair Un Nisa Aisi Dulhan Bani 
Aisa Doolha Bana Aaj Haq Ka Wali 

Aisa Doolha Kahan Aisi Dulhan Kahan 
Jin Ki Khushiyon Main Shaamil Hain Kon o Makaan 
Jagmagane Lagi Arsh Par Kehkashan 
Chand Dene Laga Aaj Khud He Azaan 
Muskarakar Sada Yeh Sitaron Ne Di 

Mominon Ke Liye Hai Khushi Ki Khabar 
Gehma Gehmi Machi Hai Payamber Ke Ghar 
Khush Hain Salman Miqdar O Boozar Udhar 
Shadmani Hai Chehron Pe Sab Ke Magar 
Jalne Walon Ke Dil Par Chhuri Chal Gayi 

Tehniyat Ko Chale Arsh Se Ambiya 
Aur Muhammad Ke Dar Pe Hua Jhamghata 
Aake Jibraeel Ne Arsh Se Yeh Kaha 
Keh Raha Hai Khuda Ay Habib e Khuda 
Le Ke Baraat Ko Aa Rahe Hain Ali 

Le Ke Baraat Sher e Khuda Aa Gaye 
Lene Apni Dulhan Murtaza Aa Gaye 
Milne Haider Se Sab Ambiya Aa Gaye 
Peshwai Ko Khud Mustafa Aa Gaye 
Maara Jibraeel Maara Jibraeel Nare Haidere
Ya Ali 

Phir Wo Lamhe Khushi Ke Qareeb Aa Gaye 
Mustafa Sigah e Aqd Parhne Lage
Khud Ba Khud Lafz Saare Qasiday Bane
Sub Marahil Bahusno o Khushi Teh Huye
Marzi e Kibriya Haq Mehar Ban Gayi 

Gungunati Fizaa Gungunati Hawa 
Aagaye Aagaye Baraat Ke Hain Anbiya 
Aur Khadija Ne Aanchal Ka Saya Kiya 
Khum Ke Saghar Chalakne Lagaye Ja Bajah 
Beti Rukhsat Hui Aankh Num Ho Gayi 

Kis Qadar Khush Hain Farhan O Zill e Raza 
Haq e Midhat Bhi Yun Ho Raha Hai Ada 
Us Ki Zojah Bani Hai Aaj Khair Ul Nisa 
Jis Ko Kehte Hain Sab Mazhar E Kibriya 
Shor e Sal e Allah Mein Hui Rukhsati