Alam Jo Dariya Se Aata Hua Dikhai Diya
Sakina Dar Pe Jo Pohnchi Tu Baap Ko Dekha
Ye Ro Ke Bachi Ne Poocha Kahan Hain Mere Chacha
Alam Sakina Ke Hathon Main De Ke Sheh Ne Kaha
Alam Barha Do Sakina Chala Gaya Abbas
Hussain Ho Gaya Tanha Chala Gaya Abbas
Yaqeen Aata Nahi Tha Ke Mar Gaya Ghazi
Main Thap Thapata Raha Uske Gaal Aye Beti
Magar Hussain Ki Us Waqt Aas Toot Gayi
Jab Aa Ke Maa Ne Bataya Chala Gaya Abbas
Sakina Pani Se Kiski Nazar Utaarogi
Tum Ammu Jaan Kise Keh Ke Ab Pukarogi
Wo Yaad Aayega Jab Shaam Tum Sidharogi
Nahi Milega Dobara Chala Gaya Abbas
Pohanch Ke Dariya Pe Mashkiza Jab Bhara Usne
Sakina Yaad Teri Pyaas Ko Rakha Usne
Tha Uske Saamne Pani Nahi Piya Usne
Tumhari Tarah Se Pyaasa Chala Gaya Abbas
Kisi Ne Gurz Jo Maara To Woh Sambhal Na Saka
Kate The Haath Sahara Woh Kis Tarah Leta
Zameen Pe Aise Gira Zakhmi Ho Gaya Chehra
Dobara Uth Nahi Paaya Chala Gaya Abbas
Kahan Kahan Use Royi Hai Meri Tanhaai
Kahin Badan Tha Kahin Haath Kya Ghari Aayi
Bikhar Gaya Mera Battis Saal Ka Bhai
Pada Hai Dasht Mein Laasha Chala Gaya Abbas
Jawaan Bhai Ka Mar Jaana Sakht Manzil Hai
Main Kaise Zinda Hon Yeh Jaanta Mera Dil Hai
Magar Sakina Yeh Ek Kaam Sab Se Mushkil Hai
Teri Phuphi Ko Batana Chala Gaya Abbas
Laga Hai Haath Pe Jo Khoon Yeh Usi Ka Hai
Tha Uski Aankh Mein Jo Teer Main Ne Kheencha Hai
Woh Jaanta Tha Mere Dil Mein Kya Tamanna Hai
Pukaar Kar Mujhe Bhaiya Chala Gaya Abbas
Zameen Pe Girne Se Daandaan Uske Zakhmi The
Kate The Hont Badan Choor Choor Zakhmon Se
Tum Aise Haal Mein Ghazi Ko Dekhti Kaise
Jabhi Tu Ghar Nahi Aaya Chala Gaya Abbas
Ghadi Wo Aayi Thi Zeeshan Aur Raza Kaisi
Kaha Yeh Khaimon Mein Jab Sheh Ne Mar Gaya Ghazi
Gireen Zameen Pe Ghash Kha Ke Bibiyan Saari
Koi Bhi Sun Nahi Paaya Chala Gaya Abbas