Kaash Akbar Tere Jaisa Tera Beta Hota
Tujh Ko Andaza Mere Dard e Jigar Ka Hota
Maangne Aata Jawani Main Wo Marne Ki Raza
Aur Beta Bhi Tera Hota Muhammad Jaisa
Puch Kar Dil Se Bata Haal Tera Kya Hota
Kis Tarah Karta Jawan Laal Ko Rukhsat Beta
Kaise Deta Use Marne Ki Ijaazat Beta
Teri Behnon Ne Jise Naaz Se Paala Hota
Kanpte Hath Larazte Hue Sanson Ke Qadam
Kis Tarah Dekhta Aankhon Se Nikalte Hue Dam
Pyar Bhi Us Se Tujhe Sab Se Zyada Hota
Tere Hisse Main Meri Jaisi Ghareebi Aati
Waqt Se Pehle Mere Laal Zayeefi Aati
Wo Pisar Samne Jab Khoon Main Dooba Hota
Dekhta Aankhon Se Jab Noor e Nazar Ke Tukde
Baap Ke Munh Se Nikal Aate Jigar Ke Tukde
Saath Barchhi Ke Jo Haathon Pe Kaleja Hota
Khaak Par Khoon Main Tarapti Ho Nabi Ki Tasveer
Sabr Kar Leta Bata Hath Main Rakh Kar Shamshir
Jab Ke Hanste Hue Qatil Ko Bhi Dekha Hota
Tujh Ko Maloom Bhi Hota Na Uthega Ye Pisar
Kya Tere Dil Pe Guzarti Yeh Bata De Akbar
Is Ki Sughra Ka Bhi Khat Aane He Wala Hota
Bas Yeh Kehte The Takallum Shah e Wala Ro Kar
Hoti Akbar Teri Aulaad Zamaane Mein Agar
Tujh Ko Ehsaas Mere Dil Ki Tarap Ka Hota
