Janum Hussain Ayy Janan Mustafa
Marhaba Hussain Maula
Uncha Tumhara Muqam Mola Hussain Jan
Tum Par Darood O Salam Mola Hussain Jan
Pyara Pyara Hai Ye Naam Mola Hussain Jan
Badshahon Main Bhala Hai Kon Aisa Badshah
Jis Ke Nokar Ho Farishte Aliya Jis Ke Gada
Arsh Wale Farsh Wale Hon Sabhi Jis Par Fida
Har Dil Main Jis Ka Qayam Mola Hussain Jan
Hum Sab Hain Jis Ke Ghulam Mola Hussain Jan
Jis Ka Shajrah Wah Khuda Sare Ka Sara Noor Ka
Baap Bhai Maa Bhi Nori Aur Nana Noor Ka
Bacha Bacha Noor Ka Sara Gharana Noor Ka
Kis Ka Hai Ye Ahtamam Mola Hussain Jan
Roshan Hai Kis Ka Ye Naam Mola Hussain Jan
Ya Hussain Itna Duaon Main Asar Tu Dain De
Apne Nokar Ko Ghulami Ka Samar Tu Dain De
Main Samandar Bhi Kissi Ghair Ke Hathon Se Na Lun
Or Qatra Bhi Samandar Hai Agar Tu Dain De
Sab Ka Hai Sain Sarkar Ya Hussain
Ishq E Khuda Main Sarshar Ya Hussain
Kehta Hai Sara Sansar Ya Hussain
Ishq Ki Had Tu Ne Paar Kar Di
Deen Ki Zameen Gulzar Kar Di
Mera Nara Nazara Sahara Guzara Hamara Tumhara
Sardar Ya Hussain Pyara Hussain Mera Pyara Hussain
Asman Pe Chand Nikla Teesri Shahban Ka
Ghar Main Zahra Ke Khila Hai Phool Ye Eman Ka
Aagaya Dekho Nawasa Deen Ke Sultan Ka
Teesra Aya Imam Mola Hussain Jan
Rab Ka Hai Humko Inaam
Saltanat Hai Ishq Ki Sultan Shah E Karbala.
Dharkano Main Gonjta Hai Naam Jis Ka Ba Khuda
Ja Baja Sare Jahan Main Kam Jis Ka Cha Gaya
Sab Ka Hai Takiya Kalam Mola Hussain Jan
Zindah Rahe Ga Ye Naam Mola Hussain Jan
Wo Jo Lakhon Se Na Hara Kon Hai Bas Ya Hussain.
Moat Ko Jis Ne Hai Mara Kon Hai Bas Ya Hussain
Jo Na Ban Paya Dobara Kon Hai Bas Ya Hussain
Bolo Basad Ehteram Mola Hussain Jan
Hazrat Alh Aslam Mola Hussain Jan
Tere Ishq Mein Jo Bhi Doob Gaya
Bas Us Ka Bera Paar Howa
Jis Dil Main Basa Hai Pyar Tera
Woh Janat Ka Haqdar Howa
Yeh Maal O Zar Sona Chandi
Inn Sab Ki Haqeeqat Kuch Bhi Nahi
Rab Us Ko Mila Sab Us Ko Mila
Jo Mola Ka Hubdar Hua
