Mere Baba Main Karu Kya
Khaak Par Neend Nahi Aati Hai
Yad Aata Hai Mujhe Reh Reh Kar
Apka Seena Tha Mera Bistar
Aaj Ye Waqt Para Hai Baba
Khaak Bistar Hai Andhera Chadar
Din Tarap Kar Main Guzarun
Rat Matam Main Guzar Jati Hai
Kon Fariyad Sunega Meri
Sath Hai Mere Meri Tanhai
Kaan Zakhmi Hai Jigar Zakhmi Hai
Khoon Kaano Se Abhi Jaari Hai
Koi Marham Na Dawa Hai
Maut Nazdeek Huyi Jati Hai
Shaam Ko Jake Dar E Zindan Par
Roz Main Dekhti Hon Ye Manzar
Laut Ke Jayein Parinde Jab Ghar
Dil Mera Rota Hai Bas Ye Keh Kar
Jane Kab Main Jaugi Ghar
Kab Rihayi Ki Khabar Aati Hai
Haye Wo Shaam E Ghariban Baba
Bhool Sakti He Nahi Ye Dukhiya
Aag Khaimon Main Lagi Jab Baba
Jal Gaya Aag Se Daman Mera
Keh Rahi Thi Main Ye Khud Se
Tu Yateemi Ki Saza Paati Hai
Neel Dekho Mere Rukhsaron Ke
Ye Tamachon Ke Nishan Hain Gehre
Main Jo Roti Hon Tumhare Ghum Main
Marta Hai Mujhe Zalim Aake
Jism Qaidi Rooh Qaidi
Ye Aseeri Mujhe Tarpati Hai
Jaan De Doongi Yahin Ro Ro Kar
Maut Jeene Se Yahan Hai Behtar
Aap Talqeen Parhana Meri
Ek Ahsaan Ye Karna Mujh Par
Chain Se Main Mar Sakugi
Ek Yahi Aas Nazar Aati Hai
Bain Jo Mazhar O Mesum Ne Parhe
They Yahi Bali Sakina Ne Kahe
Sath Gar Aap Hamare Hote
Hai Yaqeen Thaam Ke Dil Ro Dete
Kya Jahan Mein Koi Ummat
Yun Yateemon Pe Sitam Dhaati Hai
