Sitam Barha Ke Sata Ke Rula Ke Qatl Kiya
Hussain Tum Ko Tamasha Bana Ke Qatl Kiya
Chhida Tha Jis Se Kaleja Janab E Akbar Ka
Hussain Ko Wohi Neza Dikha Ke Qatl Kiya
Hussain Bole Sakina Maaf Karna Mujhe
Ke Shimar Ne Mujhe Seene Pe Aa Ke Qatl Kiya
Uljh Gayi Thi Sitamgar Ke Haath Main Zulfein
Sar E Hussain Ko Aise Utha Ke Qatl Kiya
Kaha Sagheer Ke Hansne Ka Le Liya Badla
Hussain Hum Ne Tujhe Muskura Ke Qatl Kiya
Gale Main Daal Ke Abbas Ke Kate Bazu
Unhon Ne Shah Ko Khushiyan Mana Ke Qatl Kiya
Wo Bebasi Thi Wo Bechargi Wo Lachaari
Mere Hussain Ko Aankhein Dikha Ke Qatl Kiya
Kabhi Gale Kabhi Rukhsar Aur Kabhi Sar Par
Kahan Kahan Pe Wo Khanjar Chala Ke Qatl Kiya
Pukara Shimar Ke Dekhe Teri Behen Tujhko
Isi Liye Tujhe Maqtal Main La Ke Qatl Kiya
Nabi Ke Laal Ki Mazloomiyat Hai Ye Haider
Ussay Nabi Ki Hadeesain Suna Ke Qatl Kiya
