Ishq E Khuda Karbala
Dars E Wafa Karbala
Raahnuma Karbala
Raah E Baqa Karbala
Ghum Ki Dawa Haq Ka Pata
Deen Ki Sada Rab Ki Ata Karbala
Seenon Main Hai Karbala
Zehnon Main Hai Karbala
Dharkanon Main Karbala
Saanson Main Hai Karbala
Jo Kabhi Na Ja Saka Karbala
Ho Ke Jo Bhi Aa Gaya Karbala
Sun Sako Tou Do Dilon Ki Aik He Sada Hai
Dil Hai Karbala Main Dil Main Karbala Hai
Sote Jagte Nigaah Main Haram Sara Hai
Zindagi Main Aisa Koi Shakhs Tou Dikha Nahi
Jo Ye Keh De Karbala Main Manga Aur Mila Nahi
Dhoondhte Ho Tum Kahan Hai Yahin Pe La Makan
Karbala Hussain Ki Hussain Ka Khuda Hai
Is Qadar Buland Ye Zameen Be Sabab Nahi
Tashnalab Ki Sarzameen Pe Koi Tashnalab Nahi
Rizq Ilm Aagahi Mil Rahi Hai Zindagi
Jis Ke Haath Kat Gaye Yahan Wo Bant’ta Hai
Zaireen Ka Jab Sharaf Mila Hussain Ki Qasam
Pehli Baar Karbala Main Maine Jab Rakhe Qadam
Kaifiyat Bataon Kya Haal E Dil Sunaon Kya
Aisa Lag Raha Tha Bas Yehi Watan Mera Hai
Har Nabi Ko Karbala Dikhayi Hai Khuda Ne
Karbala Ki Manzilat Batayi Hai Khuda Ne
Zakhm Ho Ya Ho Qaza Har Maraz Ki Hai Dawa
Sar Zameen E Karbala Ki Khaak Bhi Shifa Hai
Qarz Hai Yehi Lahu Pe Aur Farz Bhi Yahi
Majlis E Hussain Ko Hai Waqf Saari Zindagi
Farsh E Ghum Bichayen Hum Aur Alam Sajayen Hum
Bachpane Main Walidain Se Yehi Suna Ha
Wada Syeda Se Jo Kiya Tha Wo Nibhayenge
Aane Wali Nasl Ko Bhi Karbala Sunayenge
Ishq Ke Ye Marhale Tai Karenge Ishq Se
Majlis E Hussain Se Yehi Sabaq Mila Hai
Ghar Main Jo Alam Saja Rahe Hain Hum
Majlis E Aza Kara Rahe Hain Hum
Har Baras Ye Ghum Mana Rahe Hain Hum
Nohe Marsiye Suna Rahe Hain Hum
Dawa Jab Kiya Hai Tou Saboot Bhi Diya Hai
Zainab E Hazeen Ne Qaid E Shaam Main Yehi Kaha
Mere Laal Mera Bhai Aur Mera Bawafa
Sabke Laashe Hain Wahan Main Aseer Hoon Yahan
Is Liye Tou Har Ghari Labon Pe Ye Buka Hai
Mesum Aur Mazhar Abidi Daleel Chahiye
Jab Jahan Jise Nijaat Ki Sabeel Chahiye
Usko Mashwara Ye Do Wird Raat Din Karo
Bas Yehi Nijaat Hai Agar Tu Keh Raha Hai
