Qaim Rahe Ye Majlis O Matam Khuda Kare
Taza Rahe Dilon Main Muharram Khuda Kare
Sehn E Haram Main Ahl E Aza Ki Rasayi Ho
Gaibat Nasheen Ke Hath Se Parcham Kushayi Ho
Lehraye Baam E Kaba Pe Parcham Khuda Kare
Lilah Anso’on Se Na Khali Kabhi Rahe
Ashk E Gham Se Hussain Se Ankhe Bhari Rahe
Rumal Syeda Ka Rahe Nam Khuda Kare
Taboo, Zuljanah, Alam, Jhoola, Taziya
In Par Jo Aaitraz Kare Khud Hai Bewafa
Apna Rahe Aqeeda Musalam Khuda Kare
Matam Daba Na Paye Dhamakon Ki Bhi Sada
Rukne Na Paye Majlis O Matam Ka Silsala
Ban Jaye Hum Shaheedon Ke Mehram Khuda Kare
Har Matami Ke Dil Main Ye Arman Hai Basa
Paidal Najaf Se Safar Jab Ho Arbaeen Ka
Qaim Ke Sath Sath Chalein Hum Khuda Kare
Wohi Rahe Jo Apne Buzargo Ka Tha Chalan
Ek Anjuman Hatay Tou Barhe Hai Aik Anjuman
Ho Aise Har Juloos Munazam Khuda Kare
Rehta Hai Saal Bhar Kisi Bibi Ko Intazar
Qasim Ki Mehdi Jaye Jo Lekar Ye Pursadar
Matam Se Goonje Phir Se Mukhiyam Khuda Kare
Jannat Sajaye Pyaaso Ke Sadqe Zameen Par
Khuwasish Hai Sabki Moqib E Ummul Baneen Par
Khudam E Zaireen Bane Hum Khuda Kare
Maqtal Main Jis Ne Khak Pe Ragri Thi Airiyan
Sehrab Uski Pyaas Ke Sadqe Ho Ye Jahan
Bant’ta Rahe Sabeelon Se Zamzam Khuda Kare
Dekha Hai Jab Se Mah E Aza Dil Hai Bekarar
Sughra Madine Walon Se Kehti Hai Bar Bar
Ho Khairiyat Se Shah E Muazam Khuda Kare
Teele Pe Hai Khari Hui Mazloom Ki Bhen
Khanjar Tal E Hussain Ke Lab Pe Hai Ye Sukhan
Zainab Na Dekhe Naza Ki Aalam Khuda Kare
Isyan Se Hashr Tak Meri Fard E Amal Ho Paar
Har Dam Yehi Dua Hai Takallum Ye Meri Khaas
Khaak E Dar E Hussain Pe Ho Zam Khuda Kare
