Tu Be Kafan Hai Baba Aur Main Hon Be Rida
Naize Pe Sar Tumhara Rasan Main Mera Gala
Ruk Jane Pe Lagaye Durre Mujhe Laeen Ne
Chalti Hon Tu Rasan Se Ghutta Hai Dam Mera
Hum Sar Se Paon Tak Hain Zakhmon Se Choor Dono
Pathar Tumhain Laga Hai Durra Mujhe Laga
Har Ek Qadam Pe Humko Mare Gaye Tamanche
Zakhmi Hain Gaal Mere Zakhmi Hai Sar Tera
Ungli Tumhari Kaati Angushtari Ki Khatir
Do Baliyon Ki Khatir Maara Mujhe Gaya
Zalim Ne Jab Pukara Mujh Ko Kaneez Keh Kar
Deti Rahi Main Baba Ro Kar Tumhain Sada
Aisa Safar Na Dekhein Ab Koi Baap Beti
Kanton Pe Main Chali Hon Naize Pe Tu Chala
Naize Se Is Liye Bhi Girta Raha Sar Chacha Ka
Mujh Ko Gira Gira Ke Hanste Hain Ashqiya
Khaak e Shifa Bana Hai Baba Kafan Tumhara
Mera Kafan Bana Hai Kurta Jala Hua
Azlaan Ye Masaib Sajjad Ne Sune The
Chaalis Saal Uski Aankhon Se Khoon Baha
