Salaam Khaak Nasheenon Pe Sogwaron Ka
Ghareeb Dete Hain Pursa Tumhare Piyaron Ka
Salaam Bhejte Hain Apni Shahzadi Par
Ke Jisko Saunp Gaye Marte Waqt Ghar Sarwar
Ghareeb Dete Hain Pursa Tumhare Pyaron Ka
Salaam Khaak Nasheenon Pe Sogwaron Ka
Rula Rula Ke Jise Maara Ran Main Lakhon Ne
Badan Kuchal Diya Maqtal Mein Raahwaron Ne
Hai Be Kafan Usi Piyase Ka Dasht Main Lasha
Sakina Bibi Tumhare Ghulaam Haazir Hain
Bujhe Jo Pyaas To Ashkon Ke Jaam Haazir Hain
Jo Paani Lene Gaya Tha Woh Mar Gaya Ghazi
Laga Jo Gurz Tu Ghore Se Yoon Gira Ghazi
Tha Teer Aankh Main Aur Zakhmi Ho Gaya Chehra
Salaam Bali Sakina Ke Neele Galon Par
Tamaanche Khaye Jala Karta Chin Gaye Gauhar
Safaid Baal The Zahra Sa Haal Tha Uska
Janab e Madar e Be Sheer Ko Bhi Sab Ka Salam
Ajeeb Waqt Hai Kya Dain Tasalliyon Ka Payaam
Na Jane Kaise Ye Asghar Ki Maan Ne Dekha Tha
Sinaan Ki Nok Pe Nanha Sa Zakhmi Laasha Tha
Usi Ke Saamne Asghar Ka Sar Bhi Kaata Gaya
Salaam Tum Pe Shaheedon Ke Be Kafan Laashon
Salaam Tum Pe Rasool O Batool Ke Pyaron
Salaam Dilbar e Zahra Ke Sab Jawanon Par
Jahan Pe Aun O Muhammad The Qasim O Akbar
Wahen Pe Maon Ko Qaidi Bana Ke Laya Gaya
Aseer Ho Ke Jise Shamiyon Ke Narghe Main
Hussainiyat Hai Sikhana Ali Ke Lehje Main
Palat Ke Rakh Diya Darbar e Shaam Zainab Ne
Kiya Karbobala Tujh Ko Aam Zainab Ne
Rida Tu Chin Gayi Lekin Bachaya Deen e Khuda
Salaam Keh Gaye Nasir Jahan Aur Aal e Raza
Tarap Ke Reh Gaya Zeeshan Haye Dil Mera
Kaheen Bhi Shaam e Ghareeban Main Goonji Jab Ye Sada
Bachche Jo Agle Baras Hum Hain Aur Yeh Gham Phir Hai
Jo Chal Base Tu Ye Apna Salaam Aakhir Hai
