Sar Choom Kar Abbas Ka Kehte Rahe Sarwar
Batees Baras Waar Diye Char Baras Par
Ek Mashk E Sakina Ke Liye Bazu Kata Kar
Batees Baras Waar Diye Char Baras Par
Lasha Liye Godi Main Sada Deti Hain Zahra
Is Sher Ka Khoon Beh Gaya Pani Se Zyada
Abbas Ka Ehsan Hai Ye Aale Nabi Par
Bazu Ko Kalam Dekh Kar Kehne Lage Mola
Ye Hath Mere Hath Main Baba Ne Diya Tha
Phir Soo E Najaf Dekh Ke Goya Hue Sarwar
Shabir Pe Sadqa Hua Shabir Ka Banda
Ya Fatima Zehra Mera Maqtool Ho Hadiya
Kehti Hain Baqiyaah Main Ye Abbas Ki Madar
Sadat Ki Ab Kon Bujhaye Ga Bhala Pyaas
Ek Gurz Laga Zeen Se Gire Khak Pe Abbas
Ye Sunte He Khaimo Main Bapa Hogaya Mehshar
Kyun Ho Na Dil E Abid E Beemar Ke Tukre
Qasim Se Zyada Thy Alamdar Ke Tukre
Turbat Bhi Bani Qabr E Sakina Ke Barabar
Majlis Kabhi Naam Jo Abbas Ka Ata
Ye Kahte Hue Uthta Tha Shabir Ka Beta
Qurban Chacha Ap Pe Ye Abid E Muztar
Ro Ro Ke Sada Deti Thi Ye Palne Wali
Abbas Hui Aj Se Jhooli Meri Khali
Tha Shor Bapa Khaima E Kulsoom Ke Andar
Kya Nehr Pe Guzri Hai Ye Kehti Thi Sakina
Kyun Khoon Main Dooba Hai Alam Mere Chacha Ka
Sheh Kehte Rahe Beti Ko Seene Se Laga Kar
Zainab Ko Ghareebi Ki Khabar Kaise Sunate
Mare Gaye Abbas Ye Kis Dil Se Batate
Sheh Kehte Rahe Choom Ke Hamsheer Ki Chadar
Laashe Ki Tarhan Hathon Pe Parcham Ko Utha Kar
Shabir Sada Dete Thy Rote Hue Akbar
Jaan War Doon Tujhpe Aye Mere Sher E Dilawar
