Andhere Bayaban Me Ek Yateema
Chali Dhundhne Apne Baba Ko Tanha
Yahan Se Wahan Roti Phirti Hai Ran Me
Wo Lashon Se Takra Ke Girti Hai Ran Me
Tarap Kar Sada De Rahi Hai Ye Dhukiya
Andhera Bahot Hai Kahan Jaun Baba
Bahot Dar Yahan Lag Raha Hai Bachao
Kahan Ho Mujhe Paas Apne Bulao
Padar Ko Ye Awaz Tadpa Rahi Hai
Kate Halq Se Ye Sada A Rahi Hai
Sakina Sakina
Sada De Raha Hai Ye Sarwar Ka Lasha
Chali Aa Chali Aa Sakina Sakina
Chali Aa Padar Ki Sada Ke Sahare
Yahan Har Taraf Mere Dushman Hain Sare
Koi Bhi Tujhe Na Batayega Rasta
Tere Pas Khud Chal Ke Ata Tha Baba
Kaleje Se Tujhko Lagata Tha Baba
Magar Aaj Kismat Ne Datoor Badla
Meri Jaan Bahot Zulm Tu Seh Rahi Hai
Tamachon Ki Awaz Maine Suni Hai
Phata Ja Raha Hai Padar Ka Kaleja
Sab Apni Museebat Suna Ake Mujhko
Jo Guzri Hai Tujh Par Bata Ake Mujko
Tere Dil Ka Har Dard Baba Sunega
Nahi Koi Tujh pe Taras Khane Wala
Ayy Meri Yateema Mere Paas Aja
Padar Tujh ko De De Yateemi Ka Pursa
Padar Ko Bahot Iska Sadma Hai Bete
Tujhe Khaak Pe Kal Se Sona Hai Beti
Mere Paas Ake Zara Der Soja
Nadeem Ek Qayamat Ka Manzar Tha Usdam
The Halqe Bureeda’n Ke Ye Bain Meesam
Qareeb Araha Hai Bicharne Ka Lamha
Sada Jab Suni Gamzada Ne Padar Ki
Wo Sahmi Hoi Laash Ke Pas Pahochi
Ajab Haal Dekha Tha Teeron Pe Lasha
Achanak Laga Dil Pe Bachhi Ke Sadma
Use Kuch Samaj Main Nhi Araha Tha
Kabhi Wo Sarhane Talak Ja Rahai Thi
Kabhi Lash Ke Paiti Arahi Thi
Idhar Se Udhar Thokaren Kha Rahi Thi
Yateema Ye Kah Kah Ke Chilla Rahi Thi
Ye Tum Ho Ayy Baba
