Hussain Ruk Jao
Sadayain Daita Hai Kaba Hussain Ruk Jao
Na Badlo Hajj Ka Irada Hussain Ruk Jao
Tum Apne Jad Makan Main Ho Be Darar Nahi
Hussain Mujh ko Zamane Ka Aitbaar Nahi
Hai Sath Sani E Zehra Hussain Ruk Jao
Tumhare Paon Pakarti Hai Sar Zameen E Haram
Khuda Ke Wasta Aagaye Na Ab Barhao Qadam
Na Jao Janib E Kufa Hussain Ruk Jao
In Hajiyon Ki Zara Bhi Nahi Hai Fikr Mujhe
Hai Bas Ye Fikr Ke Gar Aap Mujh Ko Chor Gaye
Mera Bhi Hajj Nahi Hoga Hussain Ruk Jao
Kaho Rabab Se Asghar Ko Bhi Le Aao
Ali Ki Tarah Yahan Par Muqeem Ho Jao
Tumhara Bacha Hai Chota Hussain Ruk Jao
Ali Ko Qaidi Banaya Gaya Madine Main
Suna Hai Bibi Ko Mara Gaya Madine Main
Ary Sunao Gurbat E Zehra Hussain Ruk Jao
Karain Gain Jashn Ke Yom E Ameer Hai Nazdeek
Ghareeb E Zehra Na Jao Ghadeer Hai Nazdeek
Parhain Mil Kar Qaseeda Hussain Ruk Jao
Suna Hai Karbala Main Bala Ki Garmi Hai
Tumhain Pata Hai Ise Kitni Pyas Lagti Hai
Hai Sath Bali Sakina Hussain Ruk Jao
Laeen Phirta Hain Ahraam Main Liye Khanjar
Tum Apni Behno Ko Le Aao Kabe Ke Andar
Har Ek Simt Hai Khatra Hussain Ruk Jao
Jo Guzri Tum Par Musibat Unhain Suna Dena
Samajh Kar Marqad E Zehra Diya Jala Dena
Yahin Hai Qabr E Khadija Hussain Ruk Jao
Unhain Khabar Hai Na Chorain Gi Tum Ko Wo Tanha
Tumhari Maa Se Zyada Chala Nahi Jata
Hai Un Ka Pehlu Shikasta Hussain Ruk Jao
Wo Gham Imam Ka Sajjad Kis Tarah Likha
Nikal Kar Makkah Se Kitna Hussain Roye Thay
Bulata Reh Gaya Kaba Hussain Ruk Jao
