Kar Rahi Thi Lasha e Muslim Pe Ye Zahra Buka
Ya Ali Ya Ali Kufe Main Phir Aayi Hai Rone Sayeda
Kar Rahi Thi Lasha e Muslim Pe Ye Zahra Buka
Aap Par Jab Ibne Muljim Ne Kiya Sajde Mein Waar
Haath Pehlu Par Rakhe Yahan Aayi Thi Main Pehli Baariran
Aaj Phir Us Haal Main Zahra Ko Hai Aana Pada
Kufe Walon Ne Ise Milkar Hai Mara Ya Ali
Lasha e Muslim Hai Aise Para Para Ya Ali
Jism Hai Sara Mere Bache Ka Zakhmon Se Bhara
Kis Tarah Maine Sambhala Kis Tarah Thama Ise
Kya Bataun Main Khadi Thi Haath Phailaye Hue
Darul Ammara Se Jab Tha Lasha e Muslim Gira
Kuch He Din Mein Phir Yahan Aaungi Main Roti Hui
Iske Bachon Par Chalegi Jab Ke Haris Ki Chhuri
Main Sambhalungi Unhain Aakar Ruqaiya Ki Jagah
Dushmani Aal E Nabi Se Is Tarah Dikhlayenge
Yun Muhammad Aur Ibrahim Maare Jayenge
Naam Ka Bhi Paas Rakhen Gain Na Kuch Ahl E Jafa
Kar Rahe Hain Zulm Ki Tafseer Ye Chehron Ke Neel
Kat Rahi Hai Aaj Jo Dar Dar Ye Aulaad E Aqeel
Hai Yaqeenan Ye Mere Bachon Se Ulfat Ki Saza
Bain The Akbar Zabaan E Sayeda Par Bas Yahi
Sath Zainab Ke Yahan Phir Mujh ko Aana Hai Abhi
Shaam Tak Le Jaaye Gain Kufe Se Gham Ka Silsila
