Jalte Jhoole Ki Raakh Pe Baithi
Maan Ki Nazrain Hain Naize Walon Par
Jaane Kyun Naizon Se Aik Sar Talaash Karte Hain
Wo Maa Ke Saamne Asghar Talaash Karte Hain
Hai Sherkhwaar Ka Khaiber Shikan Ka Sar Tu Nahi
Jise Yazid Ke Lashkar Talash Karte Hain
Laeen Naizon Se Asghar Talash Kar Ke Bhi
Zibh Ke Waste Khanjar Talaash Karte Hain
Wo Naize Jin Pe Hai Asghar Tera Lahu Taaza
Wo Ab Rubab Ki Chadar Talaash Karte Hain
Sakina Kaise Jhulati Thi Jhoola e Asghar
Hussain Ro Ke Wo Manzar Talaash Karte Hain
Wo Muskurane Ka Lete Hain Is Tarah Badla
Wo Iski Laash Ko Hans Kar Talaash Karte Hain
Wo Aise Maar Rahe Hain Zameen Par Neze
Ke Jaise Sar Nahi Pathar Talaash Karte Hain
Chupa Liya Na Ho Teeron Ke Darmiyan Kahin
Wo Sheh Ke Seene Ke Upar Talaash Karte Hain
Batool Nohe Pe Mujh Ko Wo Ajar Dein Gi Raza
Jise Tamaam Sukhanwar Talaash Karte Hain
