Sajjad Rehai Paa kar Bhi Pardes Se Ghar Ko Aa Kar Bhi
Jab Ashk Bahate Rehte Thay Zainab Se Dukh Dekhe Na Gaye
Ek Roz Tadap Ye Poocha Sajjad Tu Kab Tak Royega
Us Waqt Mere Maula Ne Kaha
Amma Apne Muqaddar Par Sughra Ke Sawalo Par
Kyun Na Roye Sajjad
Ayy Meri Phupi Insaf Tu Kar Naize Pe Jo Dekhe Baap Ka Sar
Ho Sath Safar Main Wo Jisne Cheera Tha Ali Akbar Ka Jigar
Durron Ki Saza Milti Ho Jahan Bachon Ko Ashk Bahane Par
Tum Chup Chup Kar Khoon Roti Ho Mai Roun Tu Kyun Kehti Ho
Roya Na Karo Ay Laal Mere Bhai Ko Gawa kar Baithi Ho
Masoom Behan Ko Zindan Main Jo Chor Ke Tanha Aaya Ghar
Naize Se Gira Abbas Ka Sar Main Dekh Chuka Ho Wo Manzar
Darbar Main Mein Kyun Mar Na Gaya Jab Naam Tumhara Le Le Kar
Kehta Tha Laeen Zainab Hai Kahan Le Aao Yahan Par Be Chadar
Sab Qatl Hue Main Zinda Ho Bemaar Sahi Lad Sakta Tha
Sharminda Ho Main Asghar Se Wo Teer E Sitam Se Ladh Tu Gaya
Wo Teer Mere Kyun kar Na Laga Jis Teer Se Ghayal Tha Asghar
Kyun Samne Sughra Ke Jaun Behtar To Yehi Hai Mar Jaun
Tum Zinda Ho Akbar Na Raha Wo Pooche Tu Kya Batlaun
Kya Sabr Karo Kya Zapt Karon Hai Zakhm Bahot Dil Ke Andar
Sar Tasht Main Tha Baba Ka Rakha Aur Taqt Pe Qatil Baitha Tha
Dandane Mubarak Par Unke Khush Hoke Chadi Wo Maarta Tha
Afsos Mai Kuch Bhi Kar Na Saka Ab Tak Hai Usi Se Dard E Jigar
Rehan O Raza Rota Rehna Is Dehr May Hai Jab Tak Jeena
Nohon Ki Azane De De Kar Har Shaks Se Ye Kehte Rehna
Be Gor O Kafan Masoom Behan Zindan May Ho Jiske Hathon Par
