Naam Hai Mera Sakina Main Hoon Binte Shabbir
Qalam E Noor Se Likhi Gayi Meri Taqdeer
Mere Baba Ki Zamane Main Nhi Koi Nazeer
Moye Quran E Mobeen Aur Main Uski Tafseer
Fakhar Is Baat Pe Hai Barsar E Seena Main Hoon
Sabr E Sarwar Ki Angoothi Ka Nageena Main Hoon
Mere Baba Hain Hussain Aur Hain Dada Haider
Dadi Zahra Hain Tou Nana Hai Shafi E Mehshar
Bhai Sajjad Hai Akbar Bhi Hai Aur Hai Asghar
Aik Abbas Hai Tou Dusre Ammu Shbbar
Karbala Meri Najaf Mera Madina Mera
Mukhtasar Ye Hai Ke Hi Naam Sakina Mera
Fazla Main Hoon Fazail Bhi Fazilat Main Hoon
Hoon Main Akram Bhi Kareema Bhi Karamat Main Hoon
Shah E Konain Ke Bete Ki Zarorat Main Hoon
Par Ziarat Meri Shabbir Ki Bizaat Main Hoon
Main Bhi Bigri Hui Taqdeer Bana Sakti Hoon
Apni Thokar Se Main Murde Ko Jaga Sakti Hoon
Aj Har Dour Ke Zalim Ko Mitane Ke Liye
Zulm Ko Sabr Ki Tasveer Dikhane Ke Liye
Nehr Se Foj E Sitamgar Ko Mitane Ke Liye
Umar E Saad Ki Auqat Batane Ke Liye
Surah E Bazam Se Ik Harf E Jail Hoon
Sath Abbas Nhi Nad E Ali Layi Hoon
Koi Keh De Mera Bhai Ali Asghar Roya
Hurmala Roya Teri Foj Ka Afsar Roya
Teer Bhi Roya Hai Talwar Bhi Khanjar Roya
Zikr Ik Do Ka Nhi Sara He Lashkar Roya
Ik Tabasum Se Teri Foj Ka Wo Maar Gaya
Jung Cheh Maah Ke Besheer Se Tu Haar Gaya
