Sakina Chaar Barso Main Zaeefa Hogayi Baba
Sitam Itne Huwe Mujh Par Main Zahra Hogayi Baba
Kisi Se Kuch Nhi Kehti Main Bas Khamosh Rehti Hoon
Tumhari Lash Se Uth Kar Main Lasha Hogayi Baba
Mujhe Pehchan’na Mushkil Hai Chehra Itna Zakhmi Hai
Tamacho Ki Rida Ab Mera Parda Hogayi Baba
Bacha Layi Hoon Main Sajjad Aur Baqar Ko Zindan Tak
Teri Beti Tere Beton Pe Sadqa Hogayi Baba
Main Jab Roti Thi Tou Zalim Ussay Durre Lagate Thy
Kamar Abid Ki Yun Zakhmi Zyada Hogayi Baba
Main Us Ko Fatima Sughra Smjh Kar Baat Karti Thi
Na Jane Ghom Kahan Bibi Shareefa Hogayi Baba
Kayi Din Hogaye Tanha Hoon Main Is Qaid Khane Main
Tumhare Ghar Ki Ye Beti Bhi Sughra Hogayi Baba
Ye Mere Sath He Shayad Meri Turbat Main Jayega
Rasan Kuch Yun Meri Gardan Ka Hissa Hogayi Baba
Tumhara Sar Jaale Daman Main Jab Darbar Main Aya
Mujhe Aisa Laga Main Phir Se Zinda Hogayi Baba
Sar E Shabbir Pe Sar Rakh Ke Ahista Se Wo Boli
Jo Tum Kehte Ho Chup Hojao Acha Hogayi Baba
